Për shkak të koronavirusit, shtyhet premiera e filmit të ri të James Bond

21:25 | 4 Mars 2020
A. B.

Si shkak i virusit që ka përfshirë gjithë botën, filmi i James Bond do të shtyhet për muajin nëntor.

Njoftimi vjen dy ditë pasi themeluesit e dy faqeve të fansave thirrën në studion e filmit për të shtyrë premierën, transmeton portali arbresh.info

Filmi i quajtur “No time to die”, më parë ishte planifikuar të publikohet në prill ndërsa tani premiera do të shfaqet në Britaninë e Madhe më 12 nëntor dhe SHBA më 25 nëntor.

“No Time to Die”është filmi i fundit ku Daniel Craig interpreton James Bond.

Kujtojmë se, ky film është episodi i 25-të i ekskluzivitetit të filmave Bond, shënon paraqitjen e pestë dhe të fundit të Daniel Craig si agjent sekret. Është filmi i parë i Bond që nga “Spectre”, i cili fitoi më shumë se 880 milion dollarë në të gjithë botën kur u publikua në vitin 2015, dhe buxheti për “No time to die” është raportuar të ketë qenë 250 milionë dollarë./arbresh.info/